近日女藝人宣萱因泊車問題而與鄰居發生衝突，昨日其西貢清水灣道寓所鄰居再向本報投訴，並出示管理處信件證明訪客車位屬公眾地方：「佢話訪客車位有車阻住，但我哋已經避到泊上壆，佢絕對夠位出車，仲專登倒車阻住人，好過分！佢自己就帶訪客嚟泊車，即係佢用得人哋就唔用得？（佢話你哋喺天台鬧佢？）冇！當日同朋友開Party，聲浪較大，但絕對冇鬧佢，叫佢唔好咁敏感！」並指宣萱已跟三戶鄰居交惡，又澄清絕無欺負藝人，希望鄰里關係不要太僵持。

問到是否有宣萱態度惡劣的證據，鄰居則表示沒有，而宣萱亦不再就此事作出回覆。

至於管理處發言人亦承認宣萱曾多次投訴其他住客及保安，認為衝突只是出於誤會。