Sherman嗌莊思敏「姐姐」

公開戀情的吳浩康（Deep）及鍾舒漫（Sherman）前晚雙雙出席英皇春茗，恰巧舊愛莊思敏亦在場，新歡舊愛共冶一爐。問到Deep及Sherman可會尷尬，Sherman即搶答說不會，還以「姐姐」稱呼莊思敏：「之前幾日喺時裝店見到姐姐。（你叫人姐姐怕唔怕人哋嬲？）唔會啦！一直都咁叫佢。」至於Deep亦表示沒甚麼好尷尬。問到結婚可會請莊思敏，Deep竟無懼Sherman呷醋說：「梗會，雖然過咗去，但佢喺我人生中好重要，同呢個人相處多年，建立咗好多嘢，感情關係冇咗，唔代表乜都冇晒，佢係人生中不可多得嘅人。」問到三人可有合照，Deep即笑說：「咁又冇咁嘅必要！」