古巨基早前被本報踢爆於今年暑假迎娶助手女友Lorraine，他前晚出席英皇春茗時大方默認婚訊，並強調已到熟透年紀，是時間考慮人生大事：「你由得我啦！」

古巨基與周慧敏盛裝出席英皇春茗晚宴。

任達華（左二）及英皇老闆楊受成（右二），分別抽到相機及iPad mini，全場歡呼！

楊受成（右三）與一眾嘉賓舉杯祝酒。

古巨基、周慧敏（Vivian）、容祖兒、謝霆鋒及任達華等前晚出席《英皇娛樂英皇電影2014春茗晚宴》，英皇老闆楊受成及任達華在抽獎環節分別抽到iPad mini及相機，楊生即場捐出重抽，兼加碼送出十部作為抽獎禮物，調皮的祖兒趁機向老闆要求抽獎金，楊生即豪氣地拿出十萬元現金分成十封「萬元利是」作抽獎禮物。

酒後吐真言

對於本報早前率先披露將於暑假與女友Lorraine拉埋天窗，基仔笑說：「喺入面飲咗好多紅酒，所以會吐真言。（今年結婚？）你由得我啦！我係剛熟透年紀，所以會去考慮人生大事。」提到祖兒踢爆他今年會有大Project，他即扮傻說：「係咪講演唱會？呢個大Project（結婚）未有經驗，要再研究！」他承認結婚報道出街後，收到不少朋友的短訊求證。

而同場的Vivian則坦言未收到經理人Lorraine的喜帖：「唔會去八，相信要畀我知嘅時候就會知，呢件事發生好開心，暗地裏期待！」問到是否已向她度期？她笑說：「好多檔期都Mark咗。（有冇Mark喺外地？）要返去注意吓，暫時未發現有咩異樣！」