徐小鳳第六場演唱會邀得陳奕迅（Eason）任嘉賓，於下午綵排時，Eason穿上剪裁特別的褲，令小鳳姐誤以為他未拉褲鏈，問他：「你係咪唔記得拉褲鏈？」嚇得Eason馬上解釋：「我條褲係咁o架，你見唔到條拉鏈咋，有拉o架！」到晚上演出時，小鳳姐整蠱Eason說：「你件衫好靚，有冇拉拉鏈？」Eason大笑說：「有！我好尊重o架，着到成個探長上來見你！」小鳳姐即說：「係喎！成個曹達華咁！」他又半跪親吻小鳳姐的手背，開心得不停彈跳，連穿着散裙的小鳳姐亦一起彈，彈足幾下後笑說：「哎吔，我再跳會甩晒啲嘢！」引得哄堂大笑。此外，張智霖（Chilam）及老婆「靚靚」袁詠儀亦有捧場，更大晒與小鳳姐的合照。

Eason有幸親吻小鳳姐手背，難怪興奮到周圍彈！

靚靚（右）偕Chilam捧小鳳姐場，大讚演出精彩。