宣萱因泊車問題遭鄰居投訴及講粗口侮辱而相當無奈，其多年好友兼老拍檔的陶大宇，昨日得悉宣萱遭遇時力撐對方：「作為藝人又點會鍾意撩是鬥非，宣萱咁做一定有佢原因，我哋合作咁耐，了解佢唔係一個麻煩嘅人，惟有希望盡快解決，萬事以和為貴！」

大宇希望事情盡快解決，萬事以和為貴。

大宇力撐宣萱因明白藝人很被動容易蝕底卻有冤無路訴：「我都試過排隊搭的士被插隊仲要畀人用粗口問候，之後仲畀人上網繼續鬧，守秩序係每個市民嘅責任，人哋睇準我哋藝人怕麻煩唔出聲就亂嚟，仲要出言侮辱，我覺得好冤枉！」