宣萱爆衝突報警解決
藝人宣萱遭同屋苑住戶爆料及投訴，指她屢次將座駕「打橫泊」，阻礙住客車輛出入，惟宣萱昨日卻表示上述行為純粹以其人之道，還治其人之身，更直斥有人爆粗辱罵她及母親，並感到人身安全受威脅，故報警求助，並揚言：「我唔怕佢！」
雖然感到安全受威脅，但宣萱揚言：「我唔怕佢！」
宣萱以牙還牙，將座駕停在一輛私家車後方。
宣萱以另一輛座駕停在一個車位前面。
宣萱指被人以粗口辱罵，又被人用手機拍攝。
本報前日收到讀者爆料，投訴居住西貢清水灣道屋苑的宣萱，多次無緣無故將座駕「打橫泊」，阻礙其他住客車輛出入，停車位置更屬他人的車位，並指她精神不穩！從其提供的照片所見，宣萱座駕停在另一輛私家車的後方，令私家車不能駛出，而宣萱的另一輛私家車則停在一個車位前，擋着行車通道。該住客更指宣萱有「前科」，指她曾指摘一名南亞裔業主友人佔用訪客車位，並指到場了解的保安員縱容對方。
慘遭連環爆粗
記者致電宣萱了解時，原來另有內情，她說：「件事前日朝早發生，我架車畀對方架車頂住出入，當時我叫過車主駛走架車，點知佢老婆出嚟話條車匙畀老公拎咗，要等老公返嚟，結果等咗成個鐘先返！」宣萱認為車主行為自私，所以決定「以牙還牙」，豈料遭人惡言相向，她說：「我想佢感受番畀人頂嘅滋味，就搵我架車頂番佢，點知對方就發難，唔使抖氣咁用粗口鬧我，佢老婆就喺旁邊用手機影我，佢就用個頭『哄』埋我面前，同埋想打我。」她認為對方行為過份，及感到人身安全受威脅，所以報警求助，惟警方以私人地方為由，勸喻雙方自行解決。
阿媽都被人鬧埋
前晚，宣萱表示母親到寓所食飯時亦被辱罵，她說：「我聽到佢哋喺天台用粗口繼續鬧，我送媽咪出門口時，對方連媽咪都唔放過，用粗口鬧佢，媽咪亦忍唔住同佢哋理論，我就叫佢冷靜啲。」宣萱又指對方蠻不講理：「可能對方知道我係藝人，如果公開我就蝕底，不過我問心無愧，我唔怕佢！佢話我精神不穩，我覺得佢嚴重好多，可以講道理我會同佢講，但對方唔講，我亦冇需要同佢講。」
