英皇歌手許靖韻（Angela）早前拍攝微電影《假真界世》，扮演跟她真實年齡一樣的二十歲純情少女，更有錫錫男主角羅啟聰（Kris）面的戲份，雖然只屬蜻蜓點水式，但要營造出純真感覺亦很考演技！Angela與Kris拍攝時相當緊張，停機後即心急睇Playback，二人簡單數Take便順利完成這幕純情錫面戲。她更會穿上一襲特別設計的白裙演戲：「條裙好靚！好啱嗰場戲嘅劇情，好開心可以參與呢次拍攝，對演戲同唱歌一樣有興趣，希望有多啲磨練嘅機會！」

贏得導演讚賞的許靖韻希望有更多機會演戲。

許靖韻與羅啟聰對錫錫戲極為重視，最終順利交貨。

導演聶凌大讚Angela演出自然：「冇過分雕琢，出嚟嗰份純真感覺切合角色需要。佢同Kris演出經驗唔多，但鏡頭前好有默契。喺正生書院取景亦都拍到好多我預期嘅畫面，今次呢個微電影計劃（微電影「創＋作」支援計劃《音樂篇》），我寫故事大綱時仲未知邊個係男女主角，當時諗如果獲分配嗰位歌手嘅唱片公司唔同意拍攝，我情願退出個計劃，結果台前幕後都非常合拍！」