藝人唐文龍自2006年約滿TVB後，毅然北上闖一闖，轉眼過了七年的他今年決定做回香港人，自北京搬「家」回港，除繼續在內地拍劇外，他亦大喊「我要做電影」！

思鄉的唐文龍於北京闖蕩七年後，決定回歸拍戲。

唐文龍曾與蔡少芬合作收視高開的無綫劇《棟篤神探》。（資料圖片）

於內地發展順利的唐文龍，早前與陳雅倫舞動上海賀歲節目。（資料圖片）

闊別香港視壇及影壇近七年的唐文龍（Michael），當年走得灑脫，外人以為北上掘金很容易，Michael卻有苦自己知：「我去嘅係北京，自己又冇咩朋友，去到嗰邊冇人接應，我又冇經理人，咩都要自己嚟，頭幾年係辛苦，我唔蒲唔飲酒又唔識應酬，但係要靠自己去接Job！」

其後經朋友介紹認識內地的投資者，Michael才有機會拍劇，別人以為港星到內地發展一定很吃香，事實卻並非如此！Michael說：「頭幾年真係要靠自己，試過有一段時間冇工開，加上當時屋企都仲係喺香港，所以成日香港北京兩邊走，皮費都幾大！」Michael透露在內地捱了四年才開始有工作找上門，時至今日，他已經不愁冇工開。

感謝娘家TVB

雖然離開TVB七年，Michael仍感謝舊公司的栽培，亦承認回港後TVB有找他拍劇：「我飲TVB奶大，返香港之後曾姐（無綫高層曾勵珍）有搵過我，但當時夾唔到期，會再傾！」至於拍攝甚麼類型的劇集，他表示未可透露。

已在內地闖出名堂，何不繼續留在北京發展？Michael說：「喺內地工作咁多年，我一句廣東話都未聽過，直至三年前拍《四大名捕》，係我咁多年嚟第一次聽廣東話，覺得自己仲好掛住香港！」雖然在《四大名捕》僅得幾句對白，但當中四成半的工作人員都是香港人，令Michael感到特別親切。他表示除了拍劇外，希望拍攝更多電影，認為是人生的另一挑戰，因可嘗試不同的角色。