事業愛情兩得意的車婉婉，成為人妻後笑言並不心急生馬BB：「我細佬仲心急過我，想我快啲生個B出嚟陪佢個小朋友玩！順其自然啦，我又唔會計劃生幾多個，我有朋友會刻意計，結果事與願違，隨緣啦！無謂畀咁大壓力自己。」

自覺幸運的婉婉透露身邊有不少幫得手的工作夥伴，令她能同時唱歌、照顧家庭及打理生意。

無論是好或壞的評價，婉婉都希望付出的心機及努力不會白費。

婉婉大爆老公愛整Pizza，兩夫婦不時孖住下廚，認真幸福！（資料圖片）

出名是女強人的婉婉同時兼顧食肆、岩盤浴及星座香水生意，全都搞得有聲有色，但她謙稱全靠一份熱情：「我係好有Energy（能量）嘅人，唔覺得自己好強，只係做每件事都好有熱誠，好似對於星座香水咁，我好有熱情，如果自己都冇熱情，根本唔會賣得好。」而極具生意頭腦的她，最近有意攻陷洗手間：「好似沖涼嘢、睡衣、床單、毛巾等等，好多女仔都好鍾意買，因為喺自己Comfort Zone入面呢啲嘢好緊要，都可以同星座糅合。」