過去一年樂壇湧現了不少新組合，Mr.卻冇有怕，早前更「移民」台灣半年密造唱片！經歷住劏房的他們終完成錄音，並大爆有成員愛交朋友充當「外交大使」！

Dash（左起）、Alan、Ronny、MJ及Tom勇闖台灣半年，為國語碟秘密練兵！

於台灣廣交朋友的Dash有望充當「外交大使」。

雖然早前「移居」台灣，但Mr.仍不時回港獻Sing搵銀。

組合Mr.「移民」台灣半年，早前抽空回港做義工，他們笑說：「有嘢做都會返嚟。」問到為何選台灣，主音Alan說：「因為方便唱片監製，同埋想去一個講普通話嘅地方造國語碟。我哋都好鍾意台灣，台灣人對音樂包容性高啲！」

「魅力」減退

五子笑言在台灣要二人同住一間劏房，但講到最大的衝擊，眾人齊呼：「普通話唔得！」不過，Alan表示大家的普通話已有進步：「就算口音學唔到人哋，但起碼要咬字清晰先啦！」

Mr.指新碟主題是離開生活之地，往一個新地方，當中最後一首歌《Wake up》便是唱出離台回港的感受，令五人感受最深！Dash自爆：「其實《Merry Christmas to you》講中咗自己前年聖誕節示愛被拒嘅心聲！」隊友隨即大爆他在台結識不少朋友，五子又大嘆港男在台已不如過往般吃香，Dash及MJ更被指在台灣朋友最多，故被力薦做「外交大使」！