李思欣一直於無綫默默耕耘已有九年時間，快將與無綫約滿的她，坦言還未定去留，不過思欣與老公范振鋒一樣，瓣數多多，做生意之餘更於電台開咪做主持，又學定唱歌為將來鋪路。李思欣於無綫拍的劇集很多，但多數都是古裝或清裝劇，她表示演戲多年，不想再局限自己：「做咗咁耐，都會對自己要求多啲，希望可以有較高層次嘅嘗試同機會，依家自己所睇嘅唔係錢，喺TVB拍劇唔會收好多，睇嘅係戲份同機會，希望遇到有質素嘅角色。」另外，思欣本身有做網上鑽石生意，稍後亦會首次於電台做節目主持：「想嘗試多啲唔同嘅嘢，之後我都會同冼色麗做類似電台版《姊妹淘》嘅節目，而且我都有跟戴辛尉學唱歌，想好好為自己的將來計劃一下。」

拍劇又做電台主持的李思欣希望突破自己。

李思欣對自己要求甚高。