榮升餐廳老闆娘的陳庭欣首次親自下廚煮嘢食，大玩美女廚房！雞手鴨腳的她經靚仔大廚哥哥協助下，製成品竟然有板有眼!

榮升老闆娘的陳庭欣煮日式九大簋，非常有睇頭！

陳庭欣與大廚哥哥表演玩火，相當驚險！

前港姐陳庭欣近年榮升老闆娘，兼在銅鑼灣與友人開設日式鐵板燒，美貌與智慧並重的她亦諗頭多多，之前新年期間，她想了一個9道日式菜的餐單，似足中國的九大簋一樣，含有豐盛之意，果然諗頭多多！她更親自下廚煎日式年糕，又與大廚哥哥表演玩火，希望今年火紅火烈，人氣爆燈！

感激陳鴻碩過料

餐廳開業第二個月已經達收支平衡，她希望新一年繼續生意興隆、客似雲來，又希望員工身體健康、開開心心，她笑說：「咁佢哋就可以日日開到工，唔會Sick Leave，跟住就賺多啲錢，下年可以派花紅畀員工，大家開心。」已成為金牌司儀的她希望司儀Job繼續愈做愈有及有更多演戲機會，她好學地表示新一年目標是學好普通話賺人仔：「因為之前接咗個內地司儀工作，覺得普通話仲有啲不足，想學到好似北京電視台啲司儀咁有個純正流利嘅司儀腔。」她感激「巨聲幫」好友陳鴻碩為她補習：「因為佢喺台灣嚟，其實依家已經開始緊，我都有話畀學費佢，佢話唔知點計冇收我學費，所以我叫佢嚟我餐廳任叫嘢食，不過佢仲未嚟過。」