應屆港姐蔡思貝度過入行後首個生日，踏入二十三歲的她獲一班圈中好友陳凱琳、翟威廉及羅鈞滿（Moon）等與她打邊爐慶祝！她說：「嗰日原本約好六點，但係我要開工，差唔多九點先到，一入去佢哋就話切蛋糕，阿Moon拎咗蛋糕出嚟，點知跣腳，成個蛋糕跌咗落地！當時成個場面好尷尬，我都唔知點算！」不過，原來是眾人給她的一個驚喜！正當她被嚇傻之際，有朋友將真的生日蛋糕拿出來並唱生日歌，她才知道原來自己被整蠱：「細個成日幻想生日會有人畀驚喜我，但估唔到竟然喺入咗行後而且識得唔耐嘅朋友！」

蔡思貝（前排左一）生日被一班好友整蠱，認真「驚」喜。

剛拍畢新劇《牛頭愛搭馬嘴》的她已有新工作：「係咩節目就未講得，不過係一份寓工作於娛樂嘅工作，已經拍左第一集，拍得好開心！」