於新劇《食為奴》中演「精靈小廚師」的王祖藍日前受訪時大爆為了今次演出二話不說便去剃頭，更罕有地大談與女友李亞男相處的甜蜜點滴。

祖藍表示對新劇團隊好有信心。

與亞男感情穩定的祖藍表示會每日幾電冧女友。

祖藍為新劇《食為奴》剃頭演出，豈料麻煩多多。

今次於新劇中飾演「天才御廚」大晒廚藝的祖藍，被問到此劇初期曾多次易角一事，他自爆今次「臨危受命」接下角色，更一口答應剃頭演出：「呢套劇係講男人之間宮廷鬥爭，題材比較少見。監製黃偉聲一問我肯唔肯剃頭演出，我即刻應承佢，因為唔使煩髮型，以後奉旨戴帽。」但他又笑言剃頭後吃了不少苦頭：「原來剃頭後仲麻煩，要自己日日剃一次，下次真係要考慮吓先。」

談到睇好此劇能破三十點收視，他即力讚製作團隊：「我對整個製作團隊好有信心，特別係何雁詩表現有驚喜！仲有必睇我同胡定欣呢對慘情代表的感情戲。佢愛錯郎，又嫁錯王，最後仲會盲埋！」

爆定欣會盲

另外，問到於劇中廚藝精湛的他於情人節有否為女友李亞男下廚？他搖頭自爆「廚藝麻麻」：「我比較擅長煮十分鐘之內煮好的即食食品。（由女友下廚？）佢唔需要咁快做到咁賢良淑德！」其後他又說：「我點都唔會今年求婚，因為工作都已經排到下年。我哋想陪住對方多啲！無論幾忙同幾攰，我都會成日打電話同佢講『我掛住你』！好似我個人喺佢身邊咁！」