名模楊崢自與黃宗澤公開戀情後,負面新聞不絕,昨日網上更傳出她育有一名十歲私生女,她直指傳聞已到失控的地步!而繼名模歐陽妙芝唱衰她後,昨日姚書軼及莊思敏再聯手踢爆她曾在行Show時失場,但楊崢卻不欲多言,以免愈描愈黑。

連日來負面新聞不斷的楊崢,面對歐陽妙芝、姚書軼及莊思敏的指摘,仍從容面對。

姚書軼力撐歐陽妙芝踢爆楊崢搶黃佩霞男友的言論,令事件再升溫。

莊思敏與姚書軼站在同一陣線,加把口再爆楊崢「No Show」。

楊崢(Vanessa)與黃宗澤(Bosco)這段「崢澤戀」自公開以來一直備受壓力,而Vanessa的負面傳聞更是愈傳愈離譜,昨日網上竟傳她育有一名十歲大的私生女!而她接受電話訪問時否認有關傳聞:「絕對冇咁嘅事,傳聞愈嚟愈誇張,已經到咗失控嘅地步!自己笑吓就算!」

姚書軼爆No Show

對於歐陽妙芝唱衰她硬搶黃佩霞男友,昨晨她在電台節目上澄清:「十幾年前已經講過,之前又回應過,唔係真實嘅嘢,當事人都否認咗,冇嘢可以再講!」做完節目後她到停車場取車,繼續揸男友車的她說:「否認咗好多次,唔知可以講咩!(有冇同Bosco討論?)冇!」提到其他模特兒齊聲指證,她說:「其他人嘅事唔回應啦!(後悔咁高調戀情?)不嬲冇高調!」繼歐陽妙芝唱衰楊崢後,昨日姚書軼(Mikki)及莊思敏分別在活動上再爆料,直指楊崢失場。Mikki昨日坦言有看「崢澤戀」的報道,對於歐陽妙芝力數楊崢,她說:「妙芝係性情中人。(傳楊崢搶人男友?)對我嚟講佢哋係前輩,我嚟香港做嘢已經聽過佢哋嘅事,我同佢做嘢五隻手指都數得晒,我冇佢電話,唔熟。我哋工作一堆人,佢就唔知行去邊,可能佢忙啩。有次做嘢,佢可以Miss咗個Show!(即係No Show?)係!原來可以咁!(佢係名模!)係呀!可能有意外!」

莊思敏「加多腳」

而昨晚出席春茗晚宴的莊思敏亦與歐陽妙芝及姚書軼站在同一陣線!莊思敏在活動上亦大爆:「以前一日行三場Show,佢(楊崢)試過早上嗰場No Show,可能太早趕唔切嚟,跟住就話病,係四、五年前嘅事,佢仲試過活動散咗先到!(覺得唔專業?)係,本身由佢着嘅衫要分畀其他人着,又要改Rundown,會造成一定麻煩!(佢對此有冇表示歉意?)對我哋冇,使咩對我哋咁做。」對於姚書軼及莊思敏的言論,楊崢則表示不欲多談。