張智霖昨日出席微博領獎活動，自爆從微博得知太太袁詠儀在巴黎的「血拼」情況，笑言了解到自己「傷口」有多深：「阿信仲讓咗個銀包畀我老婆。」

張智霖獲兩獎笑騎騎，但講到在巴黎「血拼」的太太袁詠儀就喊晒口。

敏之表示對森美患病感難過。

鄭俊弘亦有獲獎。

去年憑電視劇《衝上雲霄II》人氣急升的張智霖昨日到到尖沙咀出席「微博之星2013頒獎禮」，並奪得「微博影響力十大香港名人」第十名及「微博給力電視劇男角色」，他笑言從微博可得悉太太袁詠儀動向及自己銀包的「傷勢」：「老婆依家喺巴黎血拼緊，我就喺香港奮鬥工作，睇佢微博都知道自己『傷口』有幾深，阿信（蘇見信）仲加多一刀，讓咗個銀包畀我老婆。」

敏之擔心森美

張智霖又大讚同門師妹周秀娜是香港的性感Icon：「我細個嘅時候香港有好多夢中情人，好似青霞、曼玉、楚紅，但依家就愈嚟愈少，周秀娜都算係數一數二。（要求加親熱戲﹖）咁係時候要收買導演喇，邊有得咁要求。」

首次奪得音樂獎項的陳敏之希望今年能出福音唱片完成心願，提到森美因病辭演劇集《使徒行者》，她透露角色由沈震軒頂替，之前所拍的對手戲要重頭再拍，大約要多花十日時間：「同森美好好朋友，知佢病都喊咗出嚟，唔知佢咩病，佢平時好忙，拍埋劇直情冇得瞓，佢係鐵人嚟嘅，意志力好強，但可能都頂得太耐。」