2013年香港電影金像獎新進導演得主、曾執導《殺人犯》及《大追捕》的周顯揚（Roy），昨日與編劇女友杜緻朗結束20年愛情長跑，在港島香格里拉酒店宴請逾百影圈好友，張晉和蔡少芬（Ada）夫婦、王祖藍、文詠珊、郭富城與經理人小美等到賀，同場遇見李嘉欣與丈夫許晉亨。Roy透露簽字儀式由好友見證，律師朋友證婚，太太有喊，他還發表愛的宣言：「希望今生一齊，來生都一齊。」談到造人大計，杜緻朗說：「多啲嚟，密啲手！」

JM悉心打扮出席喜宴，女神味十足。

城城笑言自己唔飲得，只可敬新人一杯。

張晉笑言不懂傳授造人心得，Ada則慫恿老公不妨慷慨分享：「你咪話畀人知你努力嗰啲嘢囉，陣間飲多兩杯分享吓！」王祖藍被問到何時請飲？他說：「贊助商打嚟話要贊助我，我啃唔落！（訂咗6月酒席？新屋整BB房？）我唔知嘅？我自己買屋，冇佢（李亞男）份。結婚一定公告天下，連婚都未求，亞男好等得嘅！」而城城說：「我同一對新人合作過《殺人犯》，有個劇本都想搵杜緻朗做編劇。」