陳慧琳（Kelly）、梁家輝及鄭伊健齊齊化身「華麗盜寶團」，遠赴布拉格拍攝電影《盜馬記》，更寓工作於娛樂感受童話之城的浪漫氣氛！在戲中化身攀岩高手的Kelly，拍攝時不幸發生小意外，憶起仍不禁大呼「驚驚」！

Kelly在充滿童話氣息的布拉格拍電影，心情都靚啲！

伊健在戲中不乏動作戲，落足力四圍跑！

Kelly與家輝齊齊「盜寶」，肉緊時還來個Back Hug！

陳慧琳夥拍梁家輝及鄭伊健拍攝電影《盜馬記》，該片以靚人、靚衫和靚景做主打，眾人環遊整個歐洲，由布拉格一直拍到倫敦。難得到訪童話之城布拉格，Kelly忙裏偷閒一嘗當地特色美食，更被精美的裝飾品吸引，豪買不少手信！

特訓難消恐懼

在《盜》片中飾演娛樂主播的Kelly是一位擅長攀岩的高手，為求完美演出，她事前曾接受攀岩訓練，但拍攝攀岩戲期間發生小意外，她憶述時依然心驚驚：「雖然拍呢場戲之前有喺其他地方受訓練，但係一見到個攀岩壁好高，就有啲嚇親！雖然有安全帶同繩索綁住，但依然克服唔到恐懼，爬到第6次嘅時候，之前訓練嘅感覺返咗嚟，終於可以將當中嘅神髓配合表情演出嚟！」但正當準備發揮時，綁住Kelly的繩索突然鬆脫，令她從足一個身位高之處摔下，頭部更差點撞上攝影機的路軌！幸而最後沒有受傷，只是一場虛驚，她笑言在開拍前有誠心拜神，故得到神明庇佑。