前港姐呂慧儀、黃心穎、林盛斌、安德尊及胡楓等昨日現身油麻地果欄為無綫節目《年代大激鬥》錄影，呂慧儀笑指每次也趁機花費不少金錢購物，問到炒樓都賺唔少？她否認並自言成「蟹」：「我有名係蟹嘛！依家要諗多元化啲去賺錢，有諗過做老闆，但唔知開咩好！（老公做過模特兒，可以開模特兒公司！）都得喎！（唔怕太多女出入？）佢擔屎唔偷食，怕我會目不暇給咁（目及）仔多啲！」

慧儀（左）和心穎穿上懷舊服裝拍攝。

提到鍾嘉欣離奇失錢，慧儀戥嘉欣慘，更指那些是血汗錢：「依家咁凍天氣都要着成咁，真係賺埋都唔夠睇醫生o架！」而心穎表示從未試過遺失東西。