徐小鳳昨晚再踏紅館舞台，貫徹個人風格以魚尾裙上陣，更兩度向女歌迷送吻！追上潮流的她又拿出平板電腦與歌迷玩自拍，工作人員整理長裙時她更抵死地說：「唔好令我走光呀！」

小鳳姐穿上魚尾裙大唱金曲，依然苗條的身材盡顯人前！

小鳳姐站在台上的大型裝置中獻唱，場面金碧輝煌！

工作人員整理長裙時，小鳳姐搞笑地稱不要令她走光。

楊受成夫婦結伴支持小鳳姐。

徐小鳳一共八場《小鳳姐走過順逆流，依然金光燦爛徐小鳳2014演唱會》昨晚假紅館開鑼，吸引楊受成夫婦、劉培基、戚美珍、盧海鵬及連炎輝等捧場，小鳳姐準時八點半左右由台底升到台上，穿魚尾裙的她大騷纖腰，唱出金曲《風的季節》，又隨歌擺動身軀。再踏紅館的小鳳姐說：「千言萬語化成衷心一句，多謝你哋支持我！」隨即邊唱邊與歌迷握手，裙尾非常長的她步步為營，又拿出平板電腦與歌迷玩自拍和遞咪給歌迷唱，走到一名女歌迷面前時，對方大叫：「我三歲嚟睇你演唱會，你錫咗我一啖！」小鳳姐聞言即再贈對方一吻。

魚尾裙險走光

小鳳姐又問一名小女孩幾歲，小女孩自稱五歲，小鳳姐說：「我又錫你一啖，你長大後如果我仍然為你唱歌，係我嘅福氣！」直到走回台中，工作人員為她整理裙尾，小鳳姐搞笑地說：「小心啲！唔好令我走光，益咗對面海嘅人！」另外，她昨日傍晚戴上眼鏡，穿着粉紅色冷衫襯涼鞋出席拜神儀式，並向在場歌迷揮手，食過燒豬的她豎起手指公讚好味，還冒雨與歌迷握手。