吳忻熹好友蕭定一一個月前已知喜訊：「真係好開心，係今年最好嘅消息之一！太太有叫佢食多啲藍莓同果仁，可以令BB對眼精靈啲同會聰明啲。（送咩畀佢？）太太會搞，佢清楚孕婦要咩。」文頌嫻則透過電話恭喜好友：「之前聽佢講想要BB，知佢有喜好開心。」當年懷孕後胃口激增的她笑言要勸對方「咪咁大食」：「其實係要食多啲有營養嘅，唔係要分量多。」又指產前最緊要夠瞓：「生之後就唔夠瞓，成日心掛掛BB，三個鐘又要餵奶，佢依家就好好做個王后，盡情享受。」
