何傲芝昨日為無綫新節目《搵個好男人》記者會擔任司儀，同場有陳庭欣、莊思敏及張名雅等。傲芝受訪時談及父親申請破產一事，表示心情未受影響：「爸爸心情都冇嘢，今日仲開車送我嚟開工。我同妹妹計劃出產自家品牌嘅有色隱形眼鏡，父母呢方面經驗豐富過我哋，都係畀意見同幫手。（件事令全家關係更好？）其實我哋不嬲好Close，總之爸爸畀我嘅嘢一定多過我畀佢嘅，我哋好支持佢！」

何傲芝（左）心情未受父親破產一事影響，更為活動擔任司儀。

阮兆祥艷福無邊，被眾女星圍着時笑得零舍開懷！

同場的張名雅最近被調離節目《姊妹淘》，有傳是莊思敏出手所致，兩人因而傳不和。席上，她們一起受訪，莊思敏即開腔澄清：「我冇咁大權力，今次係因為名雅要入劇組啫！節目成日都有調動，我都好唔捨得佢o架！（話佢成日NG？）最多嗰個唔係佢囉！」