對於歐陽妙芝的言論，模特兒黃佩霞解釋其實是兩件事，她說：「當時我一個人大住肚，班姊妹好似妙芝、周汶錡等個個有陪我食飯散心，我同前度男友係和平分手，未分手時感情好好，佢目不斜視，分手唔係因為有第三者，冇任何人搶走佢，期間佢同邊個一齊唔清楚，亦冇資格管。（點解傳楊崢搶你前度？）唔知點解出咗嚟！可能出面聽到啲傳聞，當時妙芝係有陪我，時間上有少少前後出入。」她表示這已經是十幾年前的事，現在舊事重提，令她不勝煩擾，並指跟前度一直保持良好的關係，對方也是女兒的父親，而且前度已有家室，不希望事件影響對方：「跟我差唔多同期出道嘅Model，大家都結晒婚有仔女，有幸福家庭，我都想所有人有機會同我哋一樣。」

此外，伍詠薇、黃佩霞、周汶錡及歐陽妙芝等前晚飯局Girls' Talk，據悉席間亦提及楊崢及黃宗澤的戀情，想不到翌日妙芝即禁不住為好姊妹「抱不平」，向傳媒重提當日黃佩霞遭「撬牆腳」一事。記者昨日致電伍詠薇，她甫接電話已得悉記者「來意」，更表示不欲回應，不想捲入是非之中。