杜德偉（Alex）昨日到電台宣傳新碟，本月生日的他自爆獲外母送上按摩椅讓他揼骨做生日禮物，除了鼓勵他在演唱會上有好表現，亦暗示想早日弄孫為樂，Alex笑言收到後大感壓力：「係今年最大份生日禮物！外母好有心，咁大份禮物幾有壓力！如果按完就生到個BB，我免費幫佢代言！」

杜德偉與老婆耍花槍慶祝情人節，夠晒特別噃！

他又指因生日和情人節相近，故與老婆「打孖」慶祝，問到老婆有何表示？他即大晒恩愛說：「老婆一早送咗成個人畀我，送咩都冇所謂啦！我哋都係喺屋企煮飯睇碟，嗌吓交耍吓花槍。」