上屆港姐冠軍張名雅（Carat）選美時的比堅尼裝令人噴血，現時仍Keep住選美時的Fit爆身形，絕對是Carat努力運動後的成果！

張名雅跑步前一定會做足熱身運動，減低受傷機會。

勤做運動Keep Fit的張名雅以Bra Top Look大晒索爆身材，少少贅肉都搵唔到！

張名雅參選港姐時Fit到漏，在泳衣環節大出「峰」頭，最後更勇奪冠軍！

活潑好動的張名雅點會畀攀石難倒？

熱愛運動的她，每星期都會跑幾次步：「之前喺Gym跑多，依家鍾意跑公園，因為啲人話跑街會消耗得多啲熱量！」Carat做運動除了Keep Fit外，還能保持身體健康：「冇做運動嗰排個人特別易攰，做開就會精神啲。」除了跑步，Carat間中亦會相約朋友攀石、打泰拳和踏單車，以前在加拿大生活時更會滑雪和溜冰，非常好動！她說：「有啲運動係多人好玩啲，但跑步我就鍾意自己，一路跑一路聽歌，咁會堅持得耐啲！」