張繼聰昨日到荷里活廣場出席《食為奴》宣傳活動，問到情人節有何安排？他笑言與太太謝安琪會撇低囝囝撐枱腳：「今年花咗好多心思買情人節禮物，以往買錯咗好多年，希望今年唔會！」

張繼聰和萬綺雯攬實玩跳繩，又幾合拍喎！

談到該劇前晚一集出現貨車「穿越」古代場景的穿崩位，阿聰笑言當作「另類賣點」：「喺橫店時間好緊迫，有好多其他劇組同遊客，好多場戲都要一Take過，大家知道後都有認真檢討，惟有當另類賣點。」

此外，胡定欣指情人節在家中玩「煮飯仔」：「今日唔會周圍去，煮吓白酒煮青口。（會否酒後亂性？）唔會啦！」萬綺雯則表示已訂枱與老公食飯，更買了數千元的「貼身」情人節禮物送給老公。