「扮嘢王」王祖藍日前在內地綜藝節目扮鄧紫棋在《我是歌手2》獻唱《存在》，造型及動靜激似！唱到高音時，抵死的祖藍竟攞出氧氣罩喪吸，更在尾段尖叫扮暈！

祖藍與胡定欣宣傳《食為奴》。

王祖藍跟足鄧紫棋（G.E.M.）當晚造型，以白色露臍裝襯皮褲，並戴鬈曲假髮獻唱《存在》。因他與G.E.M.僅五呎多高，祖藍將歌詞改成「多少人像我在扮鄧紫棋」、「誰知道我們沒有1米7」等。

附屬卡任女友碌

當唱到高音位時，祖藍即將手揈高，更攞出氧氣罩吸，動作浮誇！嗌足整首歌的祖藍最後瞓在台上，螢幕即打出「緊急搶救」四字，相當惹笑！

此外，祖藍、張繼聰及萬綺雯等昨日出席新劇《食為奴》宣傳活動，與女友李亞男拍拖多年的祖藍說：「會出街食飯。（送咩禮物？）附屬卡任碌。」對於「崢澤戀」送車，祖藍說：「佢（女友）都有話想要架車，我覺得好危險，因為佢對腳太長怕踩錯油門。至於《食》劇前晚播出的一集有穿崩位，他搞Gag說：「呢個就係最搞笑嘅地方，百忙都會有錯。」而該劇監製黃偉聲坦言感遺憾：「之前睇片都冇留意，惟有叫同事小心啲。」

另一邊廂，主演葉念琛電影《DELETE愛人》的祖藍與魯芬在戲中「咀嘴」，魯芬更露出一副陶醉樣，合埋雙眼表現超High，相信是亮點之一。