歌手官恩娜（Ella）昨日出席服裝品牌活動，大會特別安排兩名小朋友向現場觀眾派朱古力，又邀請他們上台與Ella合照。不過，其中一名小朋友卻「扭計」拒向Ella獻吻，她不禁笑說：「可能我年紀太大，佢對我比較冷淡。」此外，Ella在台上自爆昨晚約了朋友食飯，司儀笑問：「咩朋友？」她即語無倫次：「我雙性戀o架，不過佢係男仔嚟！」

官恩娜獲小男孩獻吻，即嘟嘴賣萌。

Ella受訪時透露，會與男友吃燭光晚餐慶祝佳節，但未有準備情人節禮物，自言不是愛花心思的人。問到會否怕男友趁氣氛浪漫，提出求婚？她說：「嘩！都驚o架！今年本來係想以工作為主，真係有好消息先同大家講啦！（真係求婚會唔會接受？）唔知呀！佢問到先算啦！」又表示現已入行10年，如有好消息必定會與大家分享。