林峯女友吳千語昨日出席海洋公園「愛聚香港」極速約會活動，獲大會送上一對結婚公仔，問到如何慶祝情人節？她透露林峯要拍劇至凌晨，故稍後才會補祝。再問到是否計劃去旅行？她說：「佢套劇要拍到四、五月。（準備咗禮物未？）預備咗實用嘅禮物，但仲未送。」又透露將接拍愛情片及動作片，現正積極增肥，問到是否因壓力而變瘦？她說：「唔係，體質係咁，試過飲健身奶粉都冇用。」

吳千語出席活動，與一眾參加者共度情人節。

此外，有指她用林峯的信用卡買送子觀音，她直指傳聞莫名其妙。問到是否想生BB？她說：「結婚呢一步已經好遠，暫時冇咁嘅計劃。（啱啱送嘅結婚公仔咪冇用？）留番10年後用。（同林峯傾過？）唔係咁講，不過女仔年紀大咗會怕身體狀態唔係咁好，男仔就冇咩所謂。（打算幾時生？）最少幾年後。」