黃宗澤（Bosco）與楊崢的戀情近來鬧得熱烘烘之際，原來姚子羚早前亦與認識多年的Bosco傳緋聞，她更不避嫌勁讚Bosco是筍盤，不過卻「唔通電」兼與對方感情似「兄弟」。子羚自言心中的Dream Man並非要有財有勢，最重要是「帶動身邊女仔進步」。

姚子羚表示心中的Dream Man非要有財有勢，最重要是「帶動身邊女仔進步」。

姚子羚認為細水長流的戀情才可以長久。

曾與黃宗澤（中）傳緋聞的姚子羚，不避嫌大讚他是筍盤。

現年33歲的姚子羚自言兩年前跟圈外男友分手後，感情一直未有着落，雖然早前有傳跟黃宗澤撻着，不過兩人均已否認，現在「崢澤戀」曝光後，更證明兩人冇講大話。不過子羚卻大讚Bosco是筍盤，工作認真又有創意，可惜不是對方那杯茶：「我同佢識咗好耐，可能我唔係佢鍾意嗰類型，加上我自己似男仔頭，同佢感覺似做兄弟多啲。」

要有驚喜

談到心目中的理想情人，子羚表示最重要是可以令女方從拍拖中成長：「唔一定要有財有勢，但要夠獨立，識照顧自己，盡力幫社會上嘅人，帶動身邊女仔進步，咁先係一個叻嘅男人。」

至於談到心目中的「拍拖Style」，子羚表示兩人相處最重要是有默契：「唔使用口講，大家都知大家想點，如果淨係細水長流嘅話，拍得耐就會變親人Feel，冇火花，最好係細水長流得嚟亦會花心思準備一些驚喜，咁先Keep得耐。」