女子組合HotCha三個女孩今年分開發展，Winkie（黎美言）撇低兩個好姊妹，找來Rapper MastaMic合作新歌。兩人日前到電台宣傳新歌時十足歡喜冤家，MastaMic說：「其實點解會有今次合作呢，因為我收到風話Winkie暗戀我，咁我個人又幾大方，咪畀個機會佢囉！」

Winkie和MastaMic到電台宣傳新歌互窒，十足歡喜冤家。

食了死貓的Winkie即暗寸MastaMic不夠靚仔：「其實我係有鋪癮，幾鍾情同Rapper合作。撇除佢個樣，佢係幾有才華嘅，仲係幾可愛嘅男仔嚟嘅。」明顯不是行可愛路線的MastaMic即問：「竟然用可愛嚟形容我？」Winkie繼續取笑說：「塊面圓咕碌幾得意吖，皮膚又夠白滑。」