歌手王梓軒睇中前港姐湯洛雯（Roxanne），並欽點做新歌MV女主角，兩人穿上婚紗禮服走進白教堂行禮，又淋雨拍外景，為情人節譜出浪漫戀曲。

王梓軒和湯洛雯在心形投射牆下擺出心形手勢，浪漫溫馨。

王梓軒睇中湯洛雯，並欽點她做新歌MV女主角。

梓軒孭起湯洛雯，盡現情侶間的甜蜜。

穿上婚紗的湯洛雯坦言，一直渴望在外國舉行婚禮。

王梓軒近日迷上了處境劇《愛‧回家》，留意到劇中演思思的湯洛雯，因劇中角色是遇上任何困難都會樂觀面對的女孩子，正適合演出他新歌《你最好》MV的女主角，所以梓軒親自欽點Roxanne參與新歌MV拍攝。

至於MV講述兩人是青梅竹馬，而Roxanne飾演一位先天有長短腳的女孩，雖然經常被人欺負卻勇於面對人生，令梓軒對她由憐生愛。兩人首次合作演情侶即相當合拍，在心形投射牆下擺出心形手勢，梓軒更孭起Roxanne盡現情侶間的甜蜜。

拍落雨戲全身濕透

兩人還首次穿上婚紗禮服造型，在一間白教堂拍攝結婚場面，梓軒說：「今次拍MV有好多新嘗試，一開始就要拍落雨戲，雖然拍咗好多個Take，搞到全身濕晒，不過最後出嚟效果好好，所以再濕都值得。」而Roxanne坦言一直渴望在外國舉行婚禮：「今次嚟到呢間浪漫典雅嘅白教堂拍，仲有歐洲古典帆船作布景，真係十足童話故事一樣。」至於梓軒與Roxanne的甜蜜MV特別安排今天情人節首播，希望與普天下情人一齊度過溫馨情人節。