江若琳日前到美國登台，在當地逗了五位數利是，收穫相當豐富。為消磨時間，她到了當地多個Outlet購物，更笑言遇到了荷包大地震，需要趕買行李篋將戰利品帶返香港。

江若琳到美國登台，大受主辦單位和客戶歡迎。

江若琳表示到酒店的賭場碰碰運氣，結果有斬獲。

江若琳到Outlet瘋狂血拼，難怪荷包大出血。

藝人江若琳新春了美國登台兼度歲，在當地大受主辦單位和客戶歡迎，收到不少利是，她說：「原本諗住美國過年氣氛唔會太過濃厚，點知原來唔係我想像中咁冷清，我仲收到好多利是，計計埋埋都有五位數字港元，真係意想唔到。」

為了一試新一年的運氣，江若琳到酒店的賭場碰碰運氣，結果亦有斬獲，她說：「因為我唔識玩，所以只係拉老虎機，點知又有進帳，可能寓意我新一年有財運。」她又笑言在當地遇上「地震」：「因為登台之餘仲有好多時間，我就趁有空到附近嘅Outlet購物，點知出現荷包大地震，真係大出血，連日來去咗幾個唔同Outlet，收穫豐富，搞到行李篋都唔夠位放，要四出搵篋買。」

睇魔術表演

江若琳此行與著名魔術師甄澤權同行，碰巧當地有魔術大師大衞高柏飛的演出，她與甄澤權一同欣賞，她說：「真係大開眼界，我一邊睇一邊忍唔住問甄澤權點解同點樣做，但佢一直冇理過我。」她表示欣賞過後對魔術大感興趣，有機會的話會向甄澤權請教。