龔嘉欣在新劇中繼續「風騷」，揼骨勾引年長33歲的張國強，但現實中的她卻要過單身情人節！相反拍檔麥長青計劃與老婆重演婚禮慶祝。而黃長興則與大肚老婆享受最後的「二人世界」。

演慣風騷女人的龔嘉欣，在新劇《守業者》中要勾引張國強，毫無難度。

張國強

黃長興（左起）、龔嘉欣及麥包大歎情人節套餐，共度佳節。

麥包打算與老婆重演結婚行禮，慶祝結婚周年紀念，如此浪漫，難怪嘉欣投以羨慕目光。

黃長興即將榮升爸爸，恭喜恭喜！

龔嘉欣、麥長青（麥包）與黃長興在新劇《守業者》中均飾演具挑戰性角色，劇中的嘉欣由一個鵪鶉女工變身風騷舞女，勾引大她33歲的張國強（KK），她說：「覺得幾得意，我不嬲都鍾意成熟型男人。我有幫佢揼骨同勾引佢，但我一做挑逗KK嘅戲時，其他人就會笑。」

結婚生仔望一擊即中

至於飾演大少的麥包表示角色有自毀傾向及長期受抑壓，有次在家中讀劇本太入戲，還差點嚇倒寶貝女。而飾演小男人的長興因初次拍民初劇，未能適應，有時拍攝大場面時會擔心NG「累街坊」。戲內的嘉欣雖然冧仔有一手，但現實中的她卻要過Lonely情人節，她大呻：「好男人好難搵，通常都結晒婚，唔諗咁多。我哋做呢行好易令追求者卻步，我理想係過幾年後拍拖、結婚同生小朋友，寧願要一擊即中。」

而兩位人夫麥包及長興則早已請假與老婆過情人節，自言是個不細心男人的麥包表示，每次慶祝都例牌沒驚喜：「我會帶埋佢去買嘢，唔想估估吓。之前個女生日，我都係畀佢揀地方慶祝，最後兩父女同一班親友一齊蒲蘭桂坊！」為滿足寶貝女的願望，他有意計劃與老婆重演結婚行禮，當慶祝下一個結婚周年紀念。而一直忙於打理餐廳的長興，原來已有三年沒有慶祝情人節，他說：「老婆今年暗示中西情人節都同一日，我覺得應該要慶祝吓，加上今次有兩個情人，多咗個BB，係老婆做媽媽前最後一個情人節。」