藝人王君馨（Grace）與歌手鍾舒漫（Sherman）新年相聚傾心事，得知今年元宵、情人節是同一日，即諗定如何過個甜蜜情人節！與男友分隔兩地的Grace，因男友在美國讀書而未能返港共聚，笑言要各自煮湯圓Facetime齊齊食慶祝：「有幾年情人節都係Facetime食住朱古力同蛋糕一齊過。」

王君馨預計未來4、5年可以拉埋天窗。

王君馨與鍾舒漫攬頭攬頸慶新春。

而體貼的Sherman得知男友吳浩康（Deep）的爸爸血糖低兼愛食朱古力，因此準備賀年朱古力禮盒到男友家拜年：「原本諗住整蘿蔔糕，但又覺得太普通，最後整咗個朱古力籃，等佢有需要就食，長食長有。」Grace與Sherman除了是教友好姊妹外，她倆對婚姻的看法亦不謀而合，同樣視男友為結婚對象。Grace說：「雖然身邊唔少人催婚，但我覺得當雙方都Feel到平安時，就可以結婚。」