今日是中西情人節，單身的郭穎兒特地整「I Love U」字樣曲奇向朋友表達心意，雖然她指已習慣單身，但情人節恨收花恨到出面，還指若收到99支花會相當開心！

Celia K.親手炮製「I Love U」字樣及卡通人物樣的曲奇送給朋友。

Celia K.買齊材料，準備開工。

Celia K.落足心機整曲奇，有板有眼。

陳靜師妹郭穎兒（Celia K.）向來對煮食甚有心得，每年情人節都會整小食送給朋友。今個情人節，雖然Celia K.要在工作中度過，但事前已抽空整曲奇準備派給朋友，當日她整了「I Love U」字樣及卡通人物樣的曲奇，笑言可憑這些愛心曲奇向意中人示愛，但問到是否已有對象？她說︰「我有韓國嘅朋友想試，但我唔能夠過韓國，會叫佢哋嚟食。」至於情人節有否人約，她說︰「只係女仔朋友，搞一啲單身Party，係我每年都做嘢過，今年都係。」

Dry爆最啱開工

Celia K.自言已習慣單身，故在工作中度過情人節並不覺得可惜，她笑說︰「做嘢過仲好，已經習慣單身，搵錢緊要啲，可能啲客戶知我Dry，所以喺情人節約我做嘢。如果要拍拖，我諗對方未必習慣，因為我喺任何節日拍拖都可能要做嘢。」

雖然Celia K.對情人節不太有興趣，但問她想不想收到情人節禮物時，她說︰「我當然想收禮物啦！如果錢、男人同花畀我揀，我會揀收花。收到花即係有男性，但有男人唔一定收到花，錢太現實，情人節係講心唔講金。」至於想收幾多支花才滿足，她說︰「我好耐冇收過花，如果有男仔送一支都開心，但送一大紮仲開心，我都想試吓收99支花。」