最近傳出與曾智明鬧婚變的黎瑞恩，昨日與好姊妹湯寶如接受劉小慧主持的節目訪問，小恩子手上婚戒「消失」，問到生活是否安逸？她說：「OK，都開心。（你同小朋友搬出大宅？）私人問題我唔方便答，多謝關心。（同先生關係點？）我冇回應。（講到你哋好似離婚？）唔答喇！（感情轉淡？）唔知呀！」

湯寶如（左起）和黎瑞恩昨日接受好姊妹劉小慧訪問。

黎瑞恩駕車離開亞視後，到佐敦一幢商業大廈攞衫。

她透露計劃三年後陪小朋友到英國讀書，問到會否感吃力？她說：「唔會，我本來就係個男人，乜都可以自己決定。（去英國因為傳離婚？）小朋友係咪都要讀書，佢哋讀國際學校，升讀本地學校就奇怪啲，去外國好啲。（有冇同老公商量？）通常都係我照顧。（老公冇過問？）我唔知。（冇溝通？）我唔知，唔好問啦，暫時唔會發表任何婚姻上嘅嘢，暫時我好開心。」