陳茵媺（Aimee）產後兩個月，昨日首度與老公陳豪夫妻檔出席鞋履品牌GEOX 2014春夏系列預覽，穿上超貼身吊帶裙的她，盡騷谷奶上圍，並獲品牌高層Mauro送上童裝。問Aimee升Cup後舊衣服是否不合穿？陳豪聽到「升Cup」即哈哈大笑：「呢句說話好，OK！」並謂向來滿意太太身材。

陳豪與陳茵媺夫妻檔工作，表示BB的中文名「爭啲啲」改好。

提到夫妻檔酬金近50萬元，陳豪笑說：「唔好咁講，今年第一次拖老婆出嚟，希望排住隊見大家。」Aimee亦否認心急搵奶粉錢：「No！係我鍾意做嘢。」身旁的陳豪說：「一直以嚟佢個心都喺呢行，有人搵佢做嘢就好雀躍。」情人節將二人世界的陳豪冧爆指會是「甜蜜時光」，Aimee即甜笑補充：「好耐冇二人世界，好期待，又好期待三人世界，今年情人節又係中國元宵，會更Sweet。」