38歲男星陳曉東昨日與24歲護士女友王妤嫻拉埋天窗，傍晚約6時，東東與腹大便便的太太接受訪問，並大派利是及回禮禮物，他大方透露太太懷有四個月身孕：「上次照話七成係女，男女冇所謂，愈多愈好。」他又表示已獲前女友張栢芝送祝福：「佢打電話畀我，用英文講Congratulation to your family and child。」

王妤嫻、陳曉東

懷孕四個月的王妤嫻，與東東甜蜜一吻。

東東於喜宴場外接受粉絲及傳媒祝福。

東東父母（圖右、左）大讚新抱仔。

據知東東仍未與太太註冊，他解釋：「會盡快搞，因為太趕喇！我想講，我哋唔係有咗BB先（決定）結婚。」與Neway二太子老公薛嘉麟拖手到賀的模特兒諸葛紫岐表示以現金作賀禮，剛為人母的她透露BB重十多磅，問到會否追多個，她表示要睇老公意思。