梁家輝因忙拍戲，無論聖誕、新年或明日的情人節均未能陪愛妻歡度，為作出補償，他揚言送給太太的情人節禮物銀碼無上限，還希望當日抽空親自下廚慰藉太太。

梁家輝與熊黛林齊齊舉杯祝酒。

丹麥亨利克親王（右）亦有到賀。

周汶錡悉心打扮亮相。

影帝梁家輝、名模熊黛林（Lynn）、周汶錡、Mandy Lieu、莊思敏、林莉及丹麥亨利克親王等昨日在澳門出席澳門太陽城集團首間珠寶鐘錶旗艦店太陽臻薈SUNLUXE Collection開幕酒會，澳門太陽城集團主席周焯華一早到場招呼賓客，場面熱鬧。

梁家輝受訪時透露，因要在北京趕戲，故近月的重要佳節均不在香港，問到太太有否投訴？他笑說：「我去邊佢就去邊，冇投訴。」雖然情人節他已收通告要工作，但因開早，故希望能盡早收工返家親自煮飯給太太食。至於導演徐克會否放人？他說：「佢雖然叫『徐老怪』，但都會放食飯，佢係老但唔怪。」為補償未能放假陪太太慶祝，家輝揚言送禮銀碼無上限：「今次就係嚟揀禮物，我成世人都送咗畀佢，冇得計，只要襯佢戴得靚就得，佢唔戴首飾，但呢度啲錶好靚，做工好厲害。」

Lynn唔敢亂約會

對於有傳台星彭于晏扮大牌，更要求坐私人飛機代步，因而被導演爾冬陞飛出《三少爺的劍》，梁家輝力撐彭于晏說：「相信佢唔係呢種人，我同佢合作過《太極》同《寒戰》，佢唔係一個要坐私人飛機嘅人。」

同場的莊思敏與Lynn被問到情人節有否約會，二人異口同聲表示為免誤會，故拒絕當日約會男士，莊思敏說：「有追求者亦有約會，但唔會情人節約會，驚畀人覺得有所暗示。」此外，早前她被拍得向妹妹的男友陳司翰說教？她說：「嗰個唔係陳司翰，只係大家都生得咁高大！」

Lynn則說：「就算孤獨都唔會阻礙好友二人世界，但為免惹來誤會，有人約（情人節）都唔敢應承。」