性感女星孟瑤早前寫大字迎新春，自言首次寫揮春的她，一絲不茍地「繡」出每個字，怕醜的她寫畢即耍冧：「寫得好差呀，你哋唔好睇啦！」孟瑤又指新年願望是多拍好電影，事業心重的她坦言造人大計「遲啲先」：「過多幾年先，如果呢幾年勤力啲、做嘢做得好啲，我就獎勵吓自己（生B）。我好高要求，我想做影后！但我諗呢幾年都達唔到，慢慢啦。」她透露農曆新年期間與家人食飯慶祝：「啱啱拍完劇，好耐冇返屋企，返去（北京）同大家一齊過。」

孟瑤表示目標是做影后，因此押後「造人」大計。