飯敍唔提Bosco 黃智雯：杏兒好開心

黃智雯昨日出席商場活動時與小朋友齊齊行Catwalk，她透露下月與好友胡杏兒、胡定欣及胡蓓蔚到韓國旅行，屆時當然不忘睇靚仔，又指得知韓劇《來自星星的你》近日熱爆，故要開始煲劇。談到黃宗澤（Bosco）與楊崢拍拖，身為Bosco舊愛杏兒的好友，她表示日前與杏兒等好友飯敍，問到杏兒心情如何？她笑說：「OK！冇乜嘢！佢好開心，飯後仲去佢屋企傾偈。（有冇提『崢澤戀』？）冇特別提，主要講韓國之旅同Girls Talk。」正放假的智雯又自爆新年期間放肆吃喝，現在要跟日籍跳舞老師上堂，為稍後穿泳衣拍攝的瘦身廣告積極減肥。