出名「愛妻號」的張家輝去年一擲近千萬元買磚頭冧老婆關詠荷（娥姐），前晚娥姐趁老公家輝遠赴柏林，帶同女兒到新屋視察裝修情況，未知是否過程較悶，女兒步出大廈時即「放蚊」打呵欠。

關詠荷獲老公家輝送贈逾千萬元「磚頭」，當然要睇緊啲！

關詠荷帶女視察新屋裝修，悶得囡囡一落樓即打呵欠！

Brittany發現記者，即機警地躲在媽咪背後。

七料影帝張家輝近年狂賺半億，賺到荷包腫脹，約半年前百忙中仍投資物業，一擲近千萬元購下跑馬地嘉柏大廈高層單位獎勵太太娥姐，其後再豪花250萬元購入保時捷辣跑來獎勵自己。

日前，家輝飛赴柏林出席影展，太太娥姐則留港照顧8歲寶貝女張童（Brittany）。前晚約8時半，娥姐帶同女兒及兩友人現身銅鑼灣禮頓道，然後齊齊步往嘉柏大廈的新屋，相信是視察裝修情況。逗留約半小時，她拖實女兒步出大廈，未知是否睇樓過程比較沉悶，穿上裙子、打扮斯文的Brittany出到門口即口擘擘「放蚊」！離開時，Brittany乖乖拖實媽咪邊行邊傾偈，娥姐亦有問必答，可見兩母女感情不錯。

怕醜避鏡頭

兩人步行約10分鐘返回附近居所，但見到記者拍照時，怕醜的Brittany即躲在媽咪背後。提到有關新屋事宜，娥姐只微笑說：「新年快樂！」未有回應相關問題，然後與女兒匆匆進入寓所。