名模Ana R.及「鯊魚女」陳細潔（Abbie）昨日現身寵物展，Ana偕十三歲的愛犬Gucci同來，指牠是最好的朋友，並表示早前結婚，愛犬入院一星期，令她和老公度蜜月時也感到難過，又自爆愛犬是個超級醋埕：「有時老公坐喺我身邊，佢都會唔鍾意！」

Ana R.與陳細潔同是愛狗之人，所養的都是呷醋狗。

陳細潔

同樣愛狗的Abbie自言是「狗癡」：「我唔敢睇狗戲，未到慘位已經喊到死，之前養咗兩隻銀狐，後來佢哋走咗，我好唔開心，話過唔再養狗，去寵物喪禮，啲人仲慘過去殯儀館！」不過，名媛好友羅寶文其後送了另一隻銀狐給她，Abbie說：「佢好易呷醋，我同其他人傾偈佢都唔鍾意。（第時搵男友要過『狗關』？）應該都過唔到。」