無綫行政主席梁乃鵬昨日在將軍澳電視城與應屆香港小姐陳凱琳、劉佩玥及逾千員工團拜，被問到有甚麼秘密武器對撼7月開台的香港電視？梁乃鵬說：「唔係睇得佢哋咁大威脅，唔係大口氣，佢哋雖然動作好多，7月1日開台大家都拭目以待，講就好容易、天下無敵，佢哋口號就響，但係交功課又點呢？TVB有幾十年基礎，除咗有設施、人才，銀行現金存款仲有30億，佢哋話市值20億，之前起廠話8億，但依家市場價16億都未必起到，20幾億唔係咩錢，呢個係好現實嘅問題，口號好容易叫，但現實分析可以知道佢哋有幾多空間。」

陳凱琳（前排左起）、梁乃鵬、劉佩玥和鄭善強，齊齊出席團拜。

陳凱琳透露4月會與黎耀祥拍處女劇《商戰》，已向黎耀祥請教，對方叮囑她不用太緊張，最重要是做好自己。至於樂易玲對於有指馬賽搭上「空少」﹖她說：「冇問佢，普通影相啫，睇相就覺得佢哋唔熟。」