張致恒（Steven）去年一劇接一劇，財源滾滾來的同時，亦不忘慰勞一班好同事，決定大手筆封多幾封利是的他說：「每年新年最嚮往就係派開工利是，有能力派代表有好多工作，當然最開心係逗老細嗰封啦！每年年三十晚都會去老闆屋企，呢十年冇停過，當食團年飯，成班一齊倒數新年。」

Steven作狀揹住桃花，十分搞笑！

Steven又憶述初出道時與關智斌到經理人霍汶希（Mani）家拜年的搞笑事：「嗰年Mani好緊張咁打畀我哋，叫我哋快啲拎支香上佢屋企天台，上到去，Mani拎住指南針係咁望，跟住大嗌『係呢個方位喇！夠鐘一齊拜啦！接財神喇！』成班人就一字排開對住個天拜，大嗌財神呀！好搞笑！（財運真係好咗？）唔記得喇！最緊要都係努力。」