容祖兒與霍汶希昨日到灣仔錄影黃秋生及黎芷珊主持的無綫新節目《燭光晚餐》，聲帶仍未痊愈的祖兒被問到與男友劉浩龍早前拖手仔拜年，她說：「又講呢啲？（有冇同男友家長拜年？）我好有家教。（伯母有冇催你哋結婚、話恨抱孫？）邊有咁快？淨係講恭喜發財，身體健康咋！」

祖兒出席活動時透露新年有向男友家長拜年。

邵音音對於秋生放棄競選演藝人協會會長表示不知情。

祖兒又表示中西情人節當日未能與男友慶祝，她說：「到時我喺長沙工作，（男友陪你？）冇喎！都冇提早慶祝，冇預備禮物。（想佢送條聲帶畀你？）唔好引我笑啦！」

此外，邵音音前晚在旺角出席活動，對於黃秋生放棄競選演藝人協會會長，一向撐秋生的音音姐表示不知情，她亦沒有勝任的心水人選：「我又冇開會，依家冇話事人，要搵名譽會長曾志偉先得。」