無綫花旦胡定欣昨日以古裝造型宣傳新劇，她透露新年期間獨自往紐約三星期，並住在朋友家，卻因而嚇怕不敢生小朋友：「佢有3個小朋友，啲小朋友一扭計同喊，佢就好似師奶咁粗聲粗氣，我住咗一個禮拜就頂唔順搬去酒店。（怕咗唔生？）會呀！（男友知？）有同佢講，佢話『我之前同你講咗啦』！」

唔敢生B的胡定欣向小朋友大派禮物，場面熱鬧！

談到好姊妹胡杏兒的前男友黃宗澤（Bosco）與楊崢撻着，她指亦有留意：「係有少少Surprise，都戥佢開心，至緊要係佢開心。（睇好佢哋？）等佢哋自然發展啦！旁人唔好加咁多意見，其實佢隔咗咁耐再拍拖都好正常。（杏兒仲單身？）佢好多人追o架！」