去年接受割子宮瘤手術的肥媽一直獲外籍老公Rick支持，鬼馬的Rick悉心策劃一場「秘密婚禮」再娶肥媽，大為驚喜的肥媽更在婚禮上爆喊同老公錫錫！

肥媽與老公Rick情深一吻，幸福滿瀉！

肥媽

肥媽昨日在美國洛杉磯「再嫁」結婚14年的葡籍老公Rick，身穿婚紗的肥媽在婚禮上數度爆喊，又同老公甜蜜咀嘴！肥媽接受長途電話訪問時大呼意想不到：「舊年做割子宮瘤手術之前，老公話如果我醒番就再娶我，點知我真係醒咗，其實我今次係去洛杉磯登台，佢就好神秘咁Book晒酒店、禮服同花球，真係好驚喜！」肥媽指今次登台同行有20位親友，大家還一齊去觀禮，相當熱鬧。

其實肥媽與老公在去年6月已在香港補擺喜酒，問到今次驚喜「再嫁」是否十分感動？肥媽說：「去年擺酒係為咗氹老人家開心，玩玩吓啫！今次就好唔同，牧師主持婚禮時，我已經喊到收唔到聲，連攝影師同親友都陪我喊，老公仲送咗隻名牌戒指畀我！」

劉雅麗觀禮

有份觀禮的劉雅麗昨日在微博上載婚禮照片並留言：「恭喜阿媽甜甜蜜蜜！上次缺席了香港的婚宴，今次有幸在洛杉磯觀禮！」