混血名模Ana R.昨晚與師妹伍靜麗等出席模特兒公司開年飯，剛為人妻的Ana甫到場即向師弟妹大派利是，她說：「其實我之前都有派，不過婚後就係首次，啲人知我結咗婚就個個都問我攞利是，我今年準備咗一萬蚊利是。」她又透露近日忙於搬屋，而且是細屋搬大屋：「我有60箱嘢，老公得7箱，老公畀我全權負責買傢俬，但就唔准買Hello Kitty同青蛙，唔想屋企太Cute。之前相士話我哋兩個好夾，會互相旺大家，好難可以搵到。老公嘅事業發展到馬來西亞，依家搬去千3呎新屋都已經係好運！」

Ana R.有備而來，準備了一萬蚊利是。

Ana R.（左）即場派利是，引起一陣騷動。